سعودی عرب نے پاکستان کیلئے 8 ارب ڈالر کی مالی معاونت کا اعلان کر دیا

ریاض :سعودی عرب نے پاکستان کے لیے 8 ارب ڈالر کی مالی معاونت کا اعلان کر دیا ہے، جس کا مقصد پاکستان کی معاشی استحکام کو مضبوط بنانا ہے۔ یہ اعلان جمعرات کے روز ریاض میں کیا گیا، جو خادم الحرمین الشریفین شاہ سلمان بن عبدالعزیز اور ولی عہد و وزیر اعظم شہزادہ محمد بن سلمان کی ہدایات کی روشنی میں سامنے آیا۔سعودی پریس ایجنسی کے مطابق سعودی حکومت نے اس سے قبل اسٹیٹ بینک آف پاکستان میں رکھوائے گئے 5 ارب ڈالر کے ڈپازٹ کی مدت میں توسیع کر دی ہے، جبکہ مزید 3 ارب ڈالر کے نئے ڈپازٹ کا بھی اعلان کیا گیا ہے۔ اس طرح مجموعی مالی معاونت 8 ارب ڈالر تک پہنچ گئی ہے، جو دونوں ممالک کے درمیان مضبوط تعلقات اور جاری تعاون کا واضح اظہار ہے۔